Ministri i Arsimit dhe Shkencës, Jeton Shaqiri, në emisionin Win-Win në Telma tha se në bisedimet me SBASHK-në ishin afër zgjidhjes, por SASHK-u e ndërroi vendimin në momentin e fundit.
“Ishim afër një zgjidhjeje. Në takimin e fundit me përfaqësuesin e Konfederatës Evropiane të Sindikatave të Arsimit u pajtuam dhe më pas SASHK-u e ndryshoi vendimin. Në këtë situatë prisja një bisedë të mirë mes dy palëve dhe këtë e them publikisht se do të duhet ta vazhdojmë atë bisedë, si partnerë socialë në bisedë nuk duhet të ndalemi këtu. Kjo është një pjesë dhe një diskutim ku shumë gjëra kanë ndodhur në një kohë shumë të shkurtër”, tha Jeton Shaqiri, ministër i Arsimit dhe Shkencës.
Shaqiri theksoi se kanë kërkuar nga MPPS që të gjejë ndërmjetësues i cili brenda 20 ditësh do të mund të marrë vendime ndërmjet SBASHK-ut, MASH-it dhe MPPS-së.
“Kemi kërkuar nga MPPS që të zgjedhë një ndërmjetësues në situatën konkrete që i është raportuar SBASHK-ut. Duhet të përfundojë brenda 10 ditëve dhe kemi edhe 10 ditë shtesë për zgjidhje arbitrazhi të grevës”, tha Shaqiri.
Ministri Shaqiri theksoi se ka respektuar arsimtarët, procesin arsimor dhe SASHK-un që nga dita e parë e grevës dhe besoi se pas ofertës për rritjen e pagave në arsim për 10 për qind, greva do të ndërpritet.
“Ana e mirë në zgjidhjen e konfliktit është se kam respektuar mësimdhënësit, kam respektuar procesin arsimor, kam respektuar SBASHK-un dhe që në ditën e parë pasi kemi hyrë në negociata kam qenë i hapur për faktin se si partnerë socialë duhet të gjejmë zgjidhje. Por, pas një periudhe të caktuar, ndoshta kam besuar shumë në procesin e negociatave me SBASHK-un. Pas ofertës për 10 për qind rritje të pagave në arsim, mendova se do ta përfundonim këtë proces negociues”, shtoi ai.
