Ministri i Shëndetësisë, Bekim Sali, ka realizuar takim pune me drejtorin e Zyrës së Bankës Botërore në vend, Maksimiliano Paoluçi.
Në këtë takim është temë diskutimi ishte zbatimi i projektit për menaxhimin emergjent të COVID-19 si dhe u theksuan përfitimet e përdorimit të fondeve të kredisë.
“Zhvilluam një takim pune me Drejtorin e Zyrës së Bankës Botërore në vend, Maksimiliano Paoluçi, ku diskutuam për zbatimin e projektit për menaxhimin emergjent të COVID-19 dhe theksuam përfitimet e përdorimit të fondeve të kredisë.
Në të vërtetë, me këto fonde u krijuan qendra rajonale të pajisura për COVID-19, të cilat kanë mundësuar hospitalizimin e pacientëve me COVID- 19 në momentet kur nevojiteshin ambiente shtesë spitalore, janë blerë barna dhe pajisje mjekësore për trajtimin e pacientëve me COVID- 19, janë bërë edhe teste të shpejta antigjene, si dhe aktivitete të tjera për menaxhimin e virusit COVID- 19. Po ashtu ramë dakord për zbatimin e mëtejshëm të këtij Projekti në fushën e shëndetësisë.
Në takim u diskutua edhe për Draft Strategjinë për Kapitalin Njerëzor 2022-2030, të miratuar nga Qeveria që ka për qëllim forcimin dhe avancimin e kapitalit njerëzor për zhvillim gjithëpërfshirës”.
