Sulmet ruse në infrastrukturën kritike në Ukrainë janë një shenjë e “dëshpërimit” të Vladimir Putin, ka thënë sekretari i mbrojtjes britanike, Ben Wallace.
Duke folur gjatë një vizite në një kantier detar në Glasgoë sot, z. Ëallace tha se ukrainasit duhet “të shfrytëzojnë momentin për të vazhduar ta shtyjnë Rusinë prapa”.
“Në frontin civil, ata duhet të mbrojnë infrastrukturën kombëtare, që Putini po synon qëllimisht të shkatërrojë, me shpresën se kështu do të shkatërrojë edhe ekonominë e tyre”, tha ai.
Ai vuri në dukje paligjshmërinë e synimit të infrastrukturës civile sipas ligjit ndërkombëtar, duke shtuar se “ne nuk do të lejojmë që ai lloj sulmi dhe brutaliteti të jetë i suksesshëm”.
“Një pjesë e këtij shënjestrimi tregon se ai ka një ndjenjë dëshpërimi që ushtria e tij nuk është e suksesshme”, shtoi më tej ai.
Ëallace vuri në dukje tërheqjen e fundit të Moskës nga qyteti port jugor i Ukrainës, Kherson dhe tha gjithashtu se ishte “interesante” që një mori komandantësh rusë janë shkarkuar.
