Gareth Bale është një nga lojtarët që duket se do të largohen nga Reali i Madridit në përfundim të këtij sezoni, me Milanin që duket një destinacion i mundshëm për të ardhmen e 32-vjeçarit nga ajo çka raportohet nga mediat spanjolle.
Sipas të përditshmes spanjolle, “ElNacional.cat”, Uellsiani duket të jetë objektivi i radhës së Paolo Maldinit për krahun e djathtë të sulmit të Milanit.
Kontrata e Bale më Realin përfundon në verën e këtij viti, duke parë situatën drejtuesit kuqezi do të ishin të gatshëm të bënin një sakrificë ekonomike për një lojtar me eksperiencën e Uellsianit, sigurisht nëse marrin garancitë e duhura për gjendjen fizike të futbollistit.
Mbetet për t’u parë nëse Maldini do ta realizoj dot këtë goditje të madhe, duke sjellë 4-herë fituesin e Champions Ligës në Milano.
