E ardhmja e Rade Krunicit do të jetë ende kuqezi. Milani njoftoi rinovimin e kontratës, që më parë skadonte më 2024, me mesfushorin boshnjak të lindur më 1993 deri më 30 qershor 2025.
“Tymi i bardhë” mbërriti ditët e fundit. Klubi kuqezi dhe ish-lojtari i Empolit kanë gjetur mirëkuptim dhe kanë vendosur të vazhdojnë së bashku.
Për momentin Rade Kruniç është në “infermieri” dhe vazhdon procesin e rehabilitimit, pas tendosjes në “rectus femoris”, që po e mban larg fushave të lojës.
Që nga mbërritja te “Djalli” në verën e vitit 2019 e deri më tani, mesfushori boshnjak ka shënuar 2 gola dhe ka dhënë 5 asiste në 92 paraqitje me fanellën kuqezi, në të gjitha garat.
