Presidenti i Bjellorusisë, Alexandar Lukashenko, konsiderohet si njëri nga të paktët liderë botërorë që ka afërsi të madhe me presidentin rus Vladimir Putin.
Madje ai ia hapi dyert ushtrisë ruse kur filloi pushtimi i Ukrainës, duke lejuar që përmes territorit të tij, rusët t’ia mësyjnë Ukrainës.
Këshilltari dhe njëherit ish-ministri i Punëve të Brendshme i Ukrainës, Anton Gerashchenko, ka publikuar një video në profilin e tij në Twitter, ku shihet Lukashenko duke kritikuar ashpër lidershipin ukrainas, e në veçanti presidentin Volodymyr Zelensky.
Sipas tij, është përgjegjësi e ukrainasve që t’i japin fund luftës në vendin e tyre, përndryshe nëse një gjë e tillë nuk ndodhë – do të përfundojë me shkatërrimin e plotë të vendit, shkruan Guardian.
Ai theksoi se gjithçka varet dhe është në duart e ukrainasve, dhe se vetëm ata mund ta ndalin luftën nëse nuk dëshirojnë që një numër i madh i tyre të vdesin.
