Windows 10 22H2 do të jetë versioni përfundimtar i sistemit operativ, tha Microsoft përmes një postimi në blog ditën e Enjte. Duke ecur përpara, të gjitha edicionet e Windows 10-ës do të mbështeten me përditësime mujore të sigurisë deri më 14 Tetor 2025 kur Microsoft të heqë përgjithnjë mbështetjen.
Microsoft inkurajon përdoruesit tashmë të kalojnë në Windows 11 sepse Windows 10-ta nuk do të ketë më asnjë funksionalitet të ri.
Windows client roadmap update! Key takeaways:
1 – #Windows10 will reach EOS on October 14, 2025.
2 – Version 22H2 will be the final version of Windows 10.
3 – You’ll see the next #Windows11 LTSC release in the second half of 2024.Read the announcement: https://t.co/CPjGmRWZdj
— Windows IT Pro (@MSWindowsITPro) April 27, 2023
Tashmë që Windows 11-ta ka qenë e disponueshme prej mëse një viti e gjysmë nuk është çudi që kompania të fillojë të tërhiqet gradualisht nga Windows 10, një sistem operativ i lançuar në 2015-ën.
Kompania mori një hap përpara kur vendosi të mos shesë më shkarkime Windows 10 në Janar dhe tani e dimë se kur mbështetja për Windows 10-ën do të përfundojë zyrtarisht. /PCWorld Albanian
BURIMI: PCWORLD.AL
