Mexhiti: VLEN do të garojë bashkë në zgjedhje, Taravari u vetë përjashtua nga VLEN-i! VLEN bënë apel votuesve dhe funksionarëve të ASH-së që të distancohen nga politikat e përçarjes të Taravarit

1

Shkup, 16 prill – Kreu i LD-së, Izet Mexhiti tha se koalicioni VLEN, për dallim prej ASH-Taravari, në zgjedhjet lokale do të garojë me lista të përbashkëta për këshilltarë dhe me kandidatë të përbashkët për kryetarë të komunave, përcjell TV21. Mexhiti u bëri thirrje votuesve të ASH-së që të distancohen, siç tha ai, “politika përçarëse e Taravarit”.

“Koalicioni VLEN sot ka vendosur që të garojë në zgjedhje bashkë, edhe me lista për këshilltarë, edhe me kandidatë për kryetarë të komunash, ndërsa në ditët në vijim do të kemi edhe themelim të shtabeve të VLEN-it, për të garuar bashkërisht në zgjedhjet e ardhshme lokale. Me këtë rast, u bëjmë thirrje të gjithë anëtarëve, simpatizantëve, votuesve dhe funksionarëve të ASH-së, që të distancohen nga politikat e përçarjes të z.Taravari, e sponsorizuar nga BDI-ja dhe oligarkët e tjerë, dhe të qëndrojnë në koalicionin e ndryshimit”, tha mes tjerash Mexhiti.