Sonte, në Sheshin Skënderbeu, zëvendëskryeministri i parë, Izet Mexhiti, vendosi lule në kujtim dhe nderim të jetëve të humbura në tragjedinë e Koçanit.
Në një moment solidariteti dhe dhimbjeje të përbashkët, qytetarë të shumtë u mblodhën për të nderuar të rinjtë dhe të rejat që humbën jetën padrejtësisht.
“Së bashku, e ndajmë dhimbjen dhe solidarizohemi me njëri-tjetrin. Sonte, në gjuhë të ndryshme flasim, por njëjtë i vajtojmë dhe pikëllohemi për të rinjtë dhe të rejat tona që i humbëm padrejtësisht,” u shpreh Mexhiti.
Lutjet dhe mendimet janë me familjet e viktimave dhe të lënduarit, duke theksuar se në këto momente të vështira ata nuk janë vetëm. “Jemi bashkë!” ishte mesazhi i tij për të gjithë ata që po kalojnë këtë dhimbje të madhe.
