Arben Taravari ka qenë i informuar për nismën për formimin e një partie, ka thënë zëvendëskryeministri i parë Izet Mexhiti në ALSAT.
Sipas Mexhitit, ata në disa sektorë të brendshëm tashmë funksionojnë si një parti politike. Situata e fundit e ka përshpejtuar këtë proces.
“Ne pjesërisht këtë proces të shkrirjes e kemi filluar vitin e kaluar. Këtë e ka shpejtuar edhe ky proces sepse nëse z. Taravari mendon se mund të ketë dy opsione dhe për të parandaluar spekulimet dhe për të dalë me vizionin e qartë ne thamë që është koha t’i mbyllim këto tema të ndarjeve dhe të shkojmë drejt bashkimit të VLEN-it në një koncept politik”, deklaroi Izet Mexhiti, zv.kryeministër.
