Zëvendëskryeministri Izet Mexhiti përmes një shkrimi në rrjetet sociale siguron që qeveria do të vë në funksion të gjitja resurset, që të gjitha komunat pa dallim, të përfitojnë nga ndihma financiare e qeverisë, përcjell TV21. Mexhiti thotë se përcaktim i qeverisë janë investimet në zhvillim dhe modernizim, për jetë më të mirë për qytetarët.
“Më shumë para në infrastrukturë, arsim e ambient jetësor për modernizimin e Gostivarit, Tetovës, Likovës, Strugës, Çairit, Kërçovës, Kumanovës, Zhelinës, Sarajit, Haraçinës, Tearcës dhe për të gjitha komunat tjera të vendit tonë pa dallim. Qeveria do t’i vë të gjitha resurset e nevojshme që ka në dispozicion që të gjitha komunat të përfitojnë suksesshëm nga mjetet financiare për projektet. Bashkërisht do ia dalim, gjithmonë për të mirën e qytetarëve!”, shkruan mes tjerash Mexhiti.
Burimi: TV21
