Propagandës së parave të pista të kazinove i përgjigjemi me projekte konkrete për qytetatët. Ky është përcaktimi ynë: Investime në zhvillim e modernizim për një jetë më të mirë për të gjithë, ka shkruar sot në profilin e tij në facebook zëvendëskryetari i parë i Qeverisë, Izet Mexhiti.
“Më shumë para në infrastrukturë, arsim e ambient jetësor për modernizimin e Gostivarit, Tetovës, Likovës, Strugës, Çairit, Kërçovës, Kumanovës, Zhelinës, Sarajit, Haraçinës, Tearcës dhe për të gjitha komunat tjera të vendit tonë pa dallim.
Qeveria do t’i vë të gjitha resurset e nevojshme që ka në dispozicion që të gjitha komunat të përfitojnë suksesshëm nga mjetet financiare për projektet. Bashkërisht do ia dalim, gjithmonë për të mirën e qytetarëve!
Kështu pra, do të mbyllim kazino dhe do të sjellim investime në çdo vendbanim!
Propagandës së parave të pista të kazinove i përgjigjemi me projekte konkrete për nevojat reale tuaja.
Zhvillimi ia VLEN!”
