Ministri i Shëndetësisë, Fatmir Mexhiti, ndjen keqardhje dhe ndjehet shumë i zemëruar për skandalin në Klinikën e Onkologjisë në Shkup. Ai edhe një herë i ka bërë thirrje Prokurorisë që të hetojë këtë rast për ta zbardhur këtë ngjarje të rëndë, sa më parë.
“Siç e dini, 6 muaj jam ministër, shëndetësia është materie e gjallë, shumë sensitive, probleme të përditshme. Ndjej keqardhje dhe jam shumë i zemëruar me rastin që ka ndodhur në Onkologji. Jemi në komunikim të vazhdueshëm, në fillim me policinë edhe me prokurorinë dhe apelojnë deri tek prokuroria që ky rast të hetohet deri në fund si kurrë më parë. Ne kemi marrë iniciativën para një mua, pa u paraqitur ky rast në publik, kemi dërguar inspektoratin shtetëror sanitar dhe shëndetësor, që të bëjë një kontrollë në klinikën e onkologjisë, ku është bërë një kontrollë prej janar 2022 deri në tetor të 2022”, tha ministri i Shëndetësisë, Fatmir Mexhiti, në një intervistë për Alsat.
