Meta shkurtoi një numër të paspecifikuar punonjësish në divizionin e saj Reality Labs konfirmoi një përfaqësues i kompanisë.
Shkurtimet prekin ekipet të cilat punojnë në Oculus Studios, divizioni i lojërave të Meta për pajisjet Quest, si dhe disa punonjës të përfshirë në inciativat harduerike të kompanisë.
Mes titujve të prekur janë Supernatural, loja VR e fitnesit që Meta e bleu për 400 milionë dollarë dhe me sukses u mbrojt nga një padi në gjyq nga autoritetet Amerikane për cënim të konkurrencës.
“Disa ekipe brenda Oculus Studios po kalojnë nëpër ndryshime në strukturë dhe role që kanë ndikuar në madhësinë e ekipit”, tha zëdhënësja e Meta-s, Tracy Clayton, në një deklaratë.
Ndërsa shitjet e syzeve të mençura të Meta-s në bashkëpunim me Ray-Ban janë rritur më shpejt sesa priste kompania, shitjet e Quest-it vazhdojnë të kenë vështirësi. Quest 3S i fundit, i cili u lançua nga Meta vjeshtën e kaluar, aktualisht është në shitje me një ulje prej rreth 10 për qind në disa konfigurime. /PCWorld Albanian
Burimi: pcworld.al
