Kreu i shtetit Ilir Meta ka reaguar përmes një postimi në Facebook për sulmin ndaj policisë së Kosovës në Zubin Potok.
Meta ka bërë thirrje për shmangien e çdo provokimi dhe përshkallëzimi të tensioneve që mund të minojnë sigurinë e Kosovës dhe të destabilizojë rajonin.
Postimi i Metës:
Dënoj me ashpërsi sulmin e dhunshëm dhe me armë ndaj autoriteteve policore të Kosovës, në Zubin Potok.
Kam besim të plotë se institucionet ligjzbatuese të Republikës së Kosovës do t’i zbardhin shumë shpejt këto akte burracake dhe do të vënë para drejtësisë autorët.
Bëj thirrje për shmangien e çdo provokimi dhe përshkallëzimi të tensioneve, që minojnë sigurinë e Kosovës, paqen dhe stabilitetin në rajon.
