Messi nuk luan në dy ndeshjet e para të PSG-së!
Trajneri i Paris Saint-Germain, Christophe Galtier, ka treguar se Lionel Messi do të humbasë ndeshjet kundër Strasburgut dhe Lensit, pasi i është dhënë mundësi për të qëndruar në Argjentinë më shumë pas Kupës së Botës ku Kombëtarja argjentinase doli kampion.
“Sa i përket Leo Messit, i cili pati një turne të shkëlqyer, duke qenë se Argjentina fitoi garën, ai u kthye në Argjentinë për të festuar. Ne morëm vendimin t’i jepnim atij pushim deri më 1 janar”, ka sqaruar ai.
Raportet mediale kanë bërë të ditur se Messi ka rënë dakord për një zgjatje të kontratës me PSG-në, e cila do të shpresojë ta përfundojë atë marrëveshje pas kthimit të tij në Francë.
