Lionel Messi ka folur pas fitores së Argjentinës ndaj Meksikës, duke thënë se kishin nevojë të fitonin.
Messi shtoi duke thënë që për ndeshjen ndaj Polonisë, kombëtarja e Argjentinës duhet t’i qaset në tjetër mënyrë.
“Duke pasur parasysh humbjen, nuk e prisnim që ditët ishin shumë të gjata dhe ne ishim të etur që të kishim mundësinë për ta kthyer atë”, tha Messi.
“E dinim se ishte një lojë kritike, sepse nëse nuk fitonim do të dilnim jashtë dhe nëse fitonim kishim një shans tjetër”.
“Për fat të mirë ne fituam dhe kjo është një peshë mbi supet tona, një arsye për gëzim dhe paqe mendore, sepse gjithçka varet përsëri nga ne”.
Argjentinasi potencoi se në pjesën e dytë e luajtën lojën e tyre, dhe treguan atë se çka përfaqësojnë.
“Gjithçka ishte në rrezik, por në pjesën e dytë ne luajtëm lojën tonë. Ne treguam atë që përfaqësojmë. Posedimi, hapësira mes rreshtave, afrimi i topit pranë zonës dhe më pas goli ndryshuan lojën”.
“Ne kishim nevojë të fitonim për të sjellë paqen e mendjes dhe të fillonim përsëri, të bënim përsëri atë që përfaqësojmë. Pastaj t’i qasemi ndeshjes së Polonisë në një mënyrë tjetër.’
