Statistikat konfirmojnë paraqitjen e shkëlqyer të Lionel Messit këtë sezon.
35-vjeçari argjentinas ka shënuar 12 gola dhe ka dhënë 14 asistime në 18 ndeshje për PSG-në në të gjitha garat.
Në top 5 ligat në Evropë (bazuar në lojtarët që kanë luajtur të paktën 500 minuta), Messi është më i miri në asistime për 90 minuta lojë. Më të afërt me të janë Remy Cabella (Lille) dhe Kevin de Bruyne (Manchester City).
Në golat e pritur, Lionel ulet përkrah sulmuesve Kylian Mbappe (PSG) dhe Karim Benzema (Real Madrid). Liderët në këtë tregues janë Robert Lewandowski (Barcelona) dhe Erling Haaland (Manchester City).
