Xhejdën Sanço do të stërvitet larg pjesës tjetër të skuadrës së parë të Mançester Junajtidit, ndërsa ai përpiqet të mbyllë mosmarrëveshjen me trajnerin Erik ten Hag, ka njoftuar klubi.
Sulmuesi e futi veten në telashe me teknikun holandez, duke e quajtur menaxherin e tij gënjeshtar për faktin se ai u la jashtë skuadrës për t’u përballur me Arsenalin në fillim të këtij muaji, pasi Ten Hag tha se nuk ishte stërvitur mirë.
Anësori 23-vjeçar e ndezi më tej situatën duke pretenduar se ishte një kokë turku i trajnerit. Sanço dhe Ten Hag zhvilluan bisedime të hënën dhe lojtari fshiu postimin fyes dy ditë më vonë, gjë që u pa si një hap pozitiv.
Drejtori sportiv, Xhon Murtaf, gjithashtu ka punuar shumë për të ndërmjetësuar një marrëveshje paqeje mes dyshes me mbështetjen e shefit ekzekutiv të klubit, Riçard Arnold.
