Eliminimi i Portugalisë në fazën cerekfinale nga Maroku ishte një ndër surprizat më të mëdha të këtij Botërori. Padyshim që një ndër fajtorët më të mëdhenj ishte trajneri Fernando Santos.
Lënia në stol e Ronaldos shkaktoi pakënaqësi tek futbollisti, por edhe tek shokët e tij të ekipit. Si pasojë e këtyre, mediat në Portugali mediat kanë nisur të flasin për një largim të teknikut.
“Fundi i epokës Fernado Santos”, shkruan A Bola në faqen e parë duke shtuar se është koha për të ndryshuar trajner. Objektivi është “Euro2024”, por duhet një trajner i ri.
Në të njëjtën linjë është edhe Record: Santos duhet larguar pasi besimi i lojtarëve ndaj tij është minimal, por trajneri nuk ka ndërmend të jap dorëheqjen, shkarkimi i tij kushton 7 milionë euro.
Ky eliminim bëri bujë edhe në Itali, saqë edhe “Corriere dello Sport”, ka shkruar se në Portugali po mendojnë për Zhose Murinjon. Në fakt edhe trajneri i Romës nuk e ka fshehur kurrë dëshirën që një ditë të drejtojë përfaqësuesen e vendin e tij dhe ndoshta ky është momenti ideal për ta bërë diçka të tillë.
