“Më shkruajnë burrat dhe ankohen”/ Rama takim me gratë në Korçë: Ata në kënetë për mua janë politikisht çyryk

Kryeministri Edi Rama ka zhvilluar pasditen e sotme një takim në qytetin e Korçës.

“Kam pasur disa ankesa dhe mesazhe nga disa burra që ankohen, dikush më shkruan cca ke lavdëroi sa të duash gratë. Nuk e di si mendoni ju. Unë mendoj se ata burra që na ikin se nuk kuptojnë pse gratë duhen lëvduar më shumë, nuk na duhen.

E dyta unë nuk shaj burrat, burrin tënd vetëm ti ke të drejtë ta shash kur vjen vonë pasi ka dalë nëpër kafene. PS e mbështesin 56% e grave dhe vajzave, ka qarqe që kjo mbështetje shkon 65%. Te burrat në rang vendi diferenca është shumë e vogël.

Ata burra që njësoj si gratë mbështesin PS janë jo vetëm të zotë. Ata në kënetë për mua janë politikisht çyryk. Nëse mërziten, më vjen keq por unë nuk mërzitem“-u shpreh Rama.