Me ardhjen e VAR, padyshim që gabimet janë minimizuar nga arbitrat në futboll.
Por në një moment që një gabim i shpëton edhe VAR, që në fund të fundit është sërish njerëzore në vendimmarrje, jo e pagabueshme, atëherë polemikat janë më të mëdha.
Seria A kulmoi në sezonin e shkuar me një rivalitet të madh për titullin kampion. Mbyllja ishte spektakolare mes Milanit dhe Interit që e ndan vendin e parë në javën e fundit. Por gabimet e arbitrave ishin të tmerrshme në ato javë aq sa mund të thuhet se ndikuan jo pak në rrugën e titullit.
Megjithatë Gianluca Rocchi e sheh tërësisht ndryshe. “Në sezonin e shkuar u shkruajt një nga faqet më të mira të historisë së arbitrave në Serinë A për vitet e fundit”, ka thënë mes të tjerash Rocchi duke krijuar jo pak debate..
