Lidhja Socialdemokrate e Maqedonisë ka mbajtur mbledhje të Kryesisë Qendrore, transmeton TV21.
Në kuadër të kësaj mbledhje ku u diskutua për situatën politike në Maqedoninë e Veriut, është vendosur që më 24 nëntor të mbahet edhe Kongresi i 30-të i LSDM-së ku do të zgjidhet Kryesia e re Qendrore dhe do të diskutohet për politikat e ardhshme të partisë.
Nga LSDM-ja bëjnë të ditur se do të propozohen edhe ndryshime në Statutin e LSDM-së.
“Në përputhje me Kryesinë Qendrore, në Kongresin e 30-të do të propozohen ndryshime të Statutit të LSDM-së në vendosjen edhe të një sekretari organizativ dhe me përkufizim të parimeve të barazisë gjinore për zgjedhje të zëvendëskryetarit të LSDM-së. Vendosja e dy sekretarëve organizativë është për shkak të nevojës së fuqizimit dhe përmirësimit të punës operative të partisë. Kryesia Qendrore vendosi që para se të mbahet Kongresi i 30-të, të vazhdojë me punë Kongresi i 29-të i cili është ndërprerë me kërkesë të organizatave komunale”, thuhet mes tjerash në njoftimin e LSDM-së.
Nga LSDM premtojnë se si parti opozitare “do të vazhdojnë t’i kundërshtojnë politikat e gabuara të pushtetit por edhe me aktivitetet që nënkuptojnë kujdes për standardin e qytetarëve, kjo nëpërmjet zgjidhjeve ligjore në Kuvend”./TV21
Burimi: TV21
