Drejtoria e Përgjithshme e Mbrojtjes Civile e Gazës ka dënuar “shënjestrimin” e punonjësve të ndihmës jofitimprurëse të World Central Kitchen pasi shtatë u vranë në një sulm, dhe tha se mbante përgjegjëse qeverinë izraelite.
“Ne e mbajmë okupimin përgjegjës për pasojat e shënjestrimin e ekuipazheve të punës të mbrojtura nga ligji ndërkombëtar humanitar dhe kërkojmë hapjen e një hetimi të menjëhershëm dhe të drejtë nën kujdesin e Sekretarit të Përgjithshëm të Kombeve të Bashkuara”, thuhet në deklaratë të martën.
Drejtoria tha se World Central Kitchen ka “një rol të madh në ofrimin dhe sigurimin e ndihmës dhe ushqimit për njerëzit tanë në Rripin e Gazës dhe sigurimin e ushqimit dhe veshjeve për të zhvendosurit pranë pikës së kontrollit”.
Deklarata bëri thirrje për mbrojtjen e punonjësve të ndihmës në përputhje me ligjin ndërkombëtar.
“Ne shprehim ngushëllimet tona për familjet e viktimave dhe stafin e World Food Kitchen dhe i falënderojmë ata për qëndrimin e tyre me popullin palestinez”, thuhet në deklaratë.
Drejtoria bëri thirrje gjithashtu për mbrojtjen e punonjësve të ndihmës në përputhje me ligjin ndërkombëtar, raporton CNN.
Të paktën shtatë punonjës të ndihmës nga World Central Kitchen u vranë në një sulm ajror izraelit të hënën, sipas grupit të ndihmës.
Forcat e Mbrojtjes izraelite thanë se po kryenin një rishikim të plotë të incidentit.
