Mbreti Charles ka zbuluar një statujë për nënën e tij të dashur në York, e para që është vendosur që nga vdekja e saj.
Skulptura 2 m e lartë u projektua për të festuar jubileun e Platinit të Mbretëreshës së ndjerë dhe u përfundua në gusht, një muaj para se të vdiste.
Duke folur para turmave në York Minster, Mbreti Charles tha se shëmbëlltyra e saj do të “mbikëqyrë” qytetin.Gjatë ceremonisë në York, Mbreti tha: “Mbretëresha e ndjerë ishte gjithmonë vigjilente për mirëqenien e popullit të saj gjatë jetës së saj.”
“Tani imazhi i saj do të kujdeset për atë që do të bëhet Sheshi i Mbretëreshës Elizabeth për shekujt e ardhshëm.”
Statuja, e cila ndodhet në një kamare në pjesën e përparme perëndimore të Minsterit, thuhet se peshon pothuajse dy ton dhe është bërë nga gur gëlqeror francez lepine.
Dizajni ishte zgjedhur nga monarkja e ndjerë dhe fillimisht do të zbulohej në shtator, por kjo u shty pas vdekjes së mbretëreshës.
Më herët, Kryepeshkopi i Jorkut tha: “Unë mendoj se për Mbretin personalisht do të jetë një kohë trishtimi, sepse kjo është nëna e tij, por gjithashtu është një nder për ne ta presim.”“Do të jetë një kohë falënderimesh të mëdha, ne kemi shumë për të qenë mirënjohës. Besoj se mbreti i ri Charles ka bërë një fillim shumë mbresëlënës.”
Kjo do të jetë statuja e parë e Mbretëreshës Elizabeth II që do të zbulohet që nga vdekja e saj, dhe ka të ngjarë të jetë e para nga shumë.
