Organizata mbikëqyrëse bërthamore e OKB-së ka miratuar një rezolutë duke i kërkuar Iranit të deklarojë rezervat e mbetura të uraniumit të pasuruar dhe t’i lejojë inspektorët t’i verifikojnë ato.
Bordi i Guvernatorëve prej 35 vendesh e miratoi mocionin me 21 vota pro, tre kundër dhe me 10 abstenime. Opozita u formua nga Rusia, Kina dhe Nigeri, thanë diplomatët për Reuters.
Misioni i përhershëm i Iranit në Vjenë e hodhi poshtë vendimin si të gabuar, të motivuar politikisht dhe “të lirë nga profesionalizmi”.
“Rezoluta shpreh në mënyrë hipokrite mbështetje për një zgjidhje diplomatike, ndërsa SHBA-të njëkohësisht angazhohen në akte të mëtejshme agresioni, duke përfshirë edhe kundër infrastrukturës civile iraniane, dhe promovojnë konfrontim në forume të ndryshme. Zgjidhja diplomatike kërkon një minimum besimi të mirë”, thuhej në reagimin e OKB-së.
Rezoluta u paraqit fillimisht nga SHBA-të, Britania, Franca dhe Gjermania.
Burimi: botasot.info
