Kastrioti i Ferizajt është fitues i Kupës së Kosovës në hendboll (meshkujt).
Kastrioti ka shënuar fitore me rezultat 29:24 (14:15) ndaj Besa Famgas në finalen e Kupës së Kosovës që u zhvillua në palestrën e sportit “Bill Clinton” në Ferizaj.
Atmosferë po, lojë po, rivalitet po, shikueshmëri po, emocione po dhe gjithçka e paqartë deri në frymën e fundit.
Atmosferë evropiane
Nuk mbahet mend pas luftës që ka pas rekord shikuesish në tempullin e hendbollit përkatësisht në palestrën e sportit “Bill Clinton” në Ferizaj, mbi 3 mijë shikues.
Tifozët “Ujqit” i dhanë panoramë evropiane finales së Kupës së Kosovës.
Ndeshje e luftuar deri në pikën e fundit mes dy skuadrave më të mira, Kastriotit dhe Besa Famgas.
Në minutën e 8-të, 4:2 për Kastriotin. Pas pak u barazua rezultati 6:6 pikërisht në minutën e 16-të.
Ndeshje e luftuar në pjesën e parë, dlshmia më e fortë është rezultati 12:12 në minutën e 26-të dhe për shkuar Besa me një gol epërsi (14:15) në pushim.
Pjesa e dytë kaptinë në vete, djelmoshat e kryetrajnerit Verim Zherka treguan zemër të madhe duke e barazuar e kaluar në epërsi me 19:18 në minutën e 35-të.
Epërsia shtohet në 3 gola (22:19) në minutën e 44-të.
Pejanët nuk dorëzohen dot, tregojnë shpirt luftarak e ngushtojnë rezultatin në 22:20 në minutën e 46-të.
Në minutën e 55-të rezultati 27:22 për Kastriotin dhe këtu veç filloi festa në tribuna.
Ferizajaasit shënuan fitore me rezultat 29:24 ndaj pejanëve.
Kastrioti me meritë është fitues i Kupës së Kosovës.
Burimi: botasot.info
