Nesër duke filluar prej orës 08:00 e deri në ora 20:00 do të kenë mundësi të votojnë 23 712 anëtarë të LSDM për të zgjedhur të partin e partisë.
“Zgjedhjet do të realizohen në organizimet komunale të LSDM nëpër krejt republikën, në gjithsej 78 vendvotime, të cilët në ditën e zgjedhjeve do të jenë hapur prej orës 08:00 e deri në ora 20:00”, sqaroi LSDM-ja.
Këto zgjedhje ishin planifikuar të mbahen më herët, por për shkak tragjedisë në Koçani ishin anuluar. Ato ishin caktuar për 16 mars.
“Komisioni qendror zgjedhor e ka konfirmuar dhe mbyllur Listën Zgjedhore, ku janë regjistruar aktivisht 23 712 anëtarë, është siguruar materiali zgjedhor, kabinat për fshehje të votës, kutitë e votimit, shenjat dhe gjërat e nevojshme për ditën e zgjedhjeve”, deklaruan nga LSDM-ja.
Ndryshe, siç ishte përcaktuar paraprakisht nga Komisioni Qendror i Zgjedhjeve i partisë, i vetmi kandidat për kryetar të LSDM-së është lideri aktual Venko Filipçe.
Ai u zgjodh kryetar i partisë në zgjedhjet e jashtëzakonshme brenda partisë në fund të qershorit të vitit të kaluar, pasi paraardhësi i tij në këtë pozitë, Dimitar Kovaçevski, dha dorëheqje pas rezultateve të dobëta të LSDM-së në zgjedhjet parlamentare dhe presidenciale.
LSDM-ja në janar të vitit 2021 kishte vendosur që zgjedhja e kryetarit të bëhet sipas parimit “një anëtar – një votë”, ku për herë të parë ishte zgjedhur Zaevi si kryetar, pastaj ky parim ishte përdoru në vitin 2024 kur kishte fituar Venko Filipçe.
Burimi: alfax.mk
