Fluks i tillë i mërgimtarëve në aeroportin e Prishtinës shihet gjatë pushimeve të verës dhe në shumë momente festive gjatë vitit.
E me vete sjellin edhe numër të madh të të hollave që i shpenzojnë në Kosovë.
Por nga ta vijnë edhe numër i madh i mjeteve financiare për familjet e tyre.
Madje në vitin 2021 është arritur numër rekord i remitencave, qe kapin vlerën e mbi 1.1 miliardë euro.
E që janë 163 milionë euro më shumë se vitin e kaluar, ku shuma e tyre ishte 980 milion euro.
E Arbnor Mjeku nga instituti Germin thotë këto shifra do të vazhdojnë të rritën, edhe përkundër krizës globale që ka përfshirë edhe vendet ku jetojnë shumica e mërgimtarëve kosovarë.
Megjithatë Mjeku ka një shqetësim për gjithë këto para që hynë në Kosovë dhe mendon se ato duhet të shpenzohen në një formë tjetër.
Por cilat janë kanalet që këto para dërgohen në Kosovë?
Transferet më të shpeshta po bëhen përmes agjencive për transferim të mjeteve
Kurse edhe pse ka dërgesa përmes bankave, kjo formë nuk po del të jetë gjithë aq e preferuar, pasi që shifra me të vogla po shihen të jenë dërguar përmes tyre sipas të dhënave të BQK-së.
Megjithatë ekonomistët kanë dyshime se remitencat do të vazhdojnë të rritën.
Për këtë çështje dhe projektin për menaxhimin e remitencave, organet kompetente të Qeverisë së Kosovës kanë refuzuar të flasin.
