Shoferi i kryebashkiakut të Divjakës, Gazmend Bullari mbeti i plagosur pas konfliktit të ndodhur sot afër bashkisë që degradoi në përdorimin e thikës nga ana e autorit.
Ai ka ndërhyrë në konflikt, ndërsa mbeti i plagosur me thikë.
Bullari dhe Kokoneshi ndodhen jashtë rrezikut për jetën në spitalin e Lushnjës.
Kokoneshi pas një debati me shtetasin Orges Xhelilin është goditur me thikë nga ky i fundit afër bashkisë.
Mësohet se Orges Xhelili më herët ka punuar si punonjës IT pranë bashkisë së Divjakës.
Sipas informacioneve, dyshohet se shkak i plagosjes ishte largimi i partneres së Xhelilit nga posti si kryenfermiere në poliklinikën e Divjakës.
Ende nuk janë bërë plotësisht të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.
