Matthew Perry i ka tërhequr komentet që bëri për Keanu Reeves.
Pasi ylli i Friends pyeti pse Reeves ishte ende gjallë, ndërsa miqtë e tyre të përbashkët humbën jetën nga abuzimi me substancat, ai vendosi të sqarojë deklaratën.
“Unë jam në fakt një fans i madh i Keanu. Unë thjesht zgjodha një emër të rastësishëm, gabimi im,” tha ai në një deklaratë për People. “Kërkoj falje. Unë duhet të kisha përdorur emrin tim në vend të emrit të tij.”
Disa fragmente nga libri me kujtime i Perry-t, “Friends, Lovers and the Big Terrible Thing”, u publikuan në fillim të kësaj jave, në të cilat aktori 53-vjeçar foli për miqësinë e tij me aktorin e ndjerë River Phoenix dhe Chris Farley, të cilët ishin gjithashtu miq me Reeves.
“River ishte një njeri i bukur brenda dhe jashtë dhe shumë i bukur për këtë botë, siç rezultoi. Gjithmonë duket se janë djemtë me të vërtetë të talentuar që ikin”, shkroi Perry. “Pse vdesin mendimtarët origjinalë si River Phoenix dhe Heath Ledger, por Keanu Reeves ende ecën mes nesh?”
Deklaratat e Perry-t shkaktuan mjaft bujë në internet.
Në librin me kujtime, që do të publikohet martën, më 1 nëntor, aktori diskuton çështjet e tij të varësisë, betejat e shëndetit mendor dhe kohën në sitcom-in e dashur të viteve ’90, “Friends”.
