Kryetari i komunës së Kërçovës, Fatmir Dehari në ditën e Marrëveshjes së Ohrit ka kritikuar ashpër BDI-në për organizimin e Koncertit për nderë të kësaj date. Sipas tij, sot është dashur të priten ambasadorët, politikanët, ushtarët e lider të opozitës e jo të bëhet koncert.
“Sot nuk pritëm as ambasadorë, as ushtarë, as politikanë, as anëtarë e as opozitarë!
Nuk e di pse?
Po, paska koncert hip hopash, atje mund të presin, nderojnë e lidhin marrëveshjet” ka shkruar Dehari, përcjell TS.
Dehari 13 gushtin e ka kujtuar me një me vizitë te varrezat e dëshmorëve në Tetovë!
“E shënova këte datë me vizitë te varrezat e dëshmorëve në Tetovë!
Aty e gjeta veten, këtu ku shkrihen kufijtë e kësaj bote dhe asaj të përjetësisë.
Aty u rrëfeva,bisedova,urova e faleminderova për këtë datë e për atë që ne kemi sot!
Po, ne kemi Marrëveshjen e Ohrit, kemi edhe efektet e sajë, nga se kemi dëshmorë e në ball shkronjat e arta UÇK!
Gëzuar këtë datë të rëndësishme historike që në themelet e sajë ka gjak lirie e tri shkronja lavdie – UÇK” ka shkruar Dehari në profilin e tij në Facebook./TS/
