Mediat botërore spekulojnë se nuk ka gjasa që Mauricio Pochettino të qëndrojë në pankinën e PSG-së franceze sezonin e ardhshëm. Ata përmendin Zinedine Zidane si zëvendësues.
Tani shtohet se dëshira e parë e Zidane për të ardhur te PSG është Cristiano Ronaldo.
Zidane dhe Ronaldo kanë bashkëpunuar me sukses te Real Madridi për vite me radhë dhe nëse Zidane e merr vërtet stolin e ekipit parisien, ata mund ta bëjnë sërish, sipas Marca.
Ronaldo kishte pasur më parë një ftesë për t’iu bashkuar PSG-së, por më pas ai e hodhi poshtë mundësinë. Ata shtojnë se tani nuk do ta refuzonte ofertën nga Parku i Princave.
Neymar dhe Messi janë gjithashtu në PSG, ndaj nëse ky informacion bëhet i vërtetë, rivalët e mëdhenj në fushë në të kaluarën, Messi dhe Ronaldo mund të luajnë së bashku në të njëjtin klub.
