Cristiano Ronaldo mori mbrëmë vëmendjen e gjithë ndjekësve të futbollit, me një intervistë të dhënë për Piers Morgan.
Ylli portugez, Ronaldo ka lëshuar disa kritika të ashpra kundër klubit të Manchester United, duke thënë se ndihet i tradhtuar dhe se nuk ka respekt për trajnerin dhe disa persona në krye të klubit.
Pas gjithë këtyre fjalëve, klubi i Manchester United ka lëshuar sot një komunikatë zyrtare.
“Manchester United vëren mbulimin mediatik në lidhje me një intervistë të Cristiano Ronaldos. Klubi do të shqyrtojë reagimin e tij pasi të jenë grumbulluar faktet e plota”, thuhet në komunikatë.
“Fokusi ynë mbetet në përgatitjen për gjysmën e dytë të sezonit dhe vazhdimin e vrullit, besimit dhe bashkimit që po ndërtohet mes lojtarëve, menaxherit, stafit dhe tifozëve”, thuhet tutje.
Sipas mediave britanike, Man United mund të gjobisë Ronaldon me rreth 1 milionë funte.
