Madonna ka zbuluar një pajisje mjekësore të pazakontë në banjën e rezidencës së saj luksoze me vlerë 40 milionë dollarë.
Këngëtarja e njohur e hitit Like A Virgin, 66 vjeç, e cila së fundmi ka tërhequr vëmendjen e fansave për një ndryshim të dukshëm në pamjen e saj, publikoi një video në TikTok së bashku me partnerin e saj më të ri, Akeem Morris, 29 vjeç, brenda vilës së saj në lagjen Upper East Side të New York-ut.
Ndërsa çifti shihej duke kryer disa lëvizje kërcimi, vëmendjen e ndjekësve e tërhoqi një pajisje e madhe mjekësore në sfond.
Bëhet fjalë për Swiss Bio Inov ATP38, një pajisje e sofistikuar që kushton rreth 23,000 dollarë në disa platforma shitjeje.
E prodhuar nga kompania zvicerane Swiss Bio Inov, kjo pajisje përdor teknologjinë photobiomodulation (PBM) – terapi me dritë me intensitet të ulët – e cila synon të stimulojë qelizat, të përshpejtojë shërimin dhe të lehtësojë dhimbjet.
Pajisja gjen përdorim në disa fusha të mjekësisë, përfshirë fizioterapinë, stomatologjinë, dermatologjinë dhe mjekësinë e përgjithshme.
Nuk është e qartë se për çfarë qëllimi specifik Madonna e përdor këtë pajisje, por është e mundur që ajo e shfrytëzon për rikuperim ose për menaxhimin e dhimbjeve, si pasojë e ndërhyrjes për zëvendësimin e ijeve që kreu në vitin 2020, si dhe e një dëmtimi serioz në gju që pësoi po atë vit.
@madonna #fyp ♬ Maps jersey remix – VIP
Burimi: botasot.info
