Xiaomi ka qenë në rritje kohët e fundit, veçanërisht pas performancës mbresëlënëse të modelit SU7 në Nürburgring dhe 289,000 paraporosive për SUV-in e ri YU7.
Por tani një video është bërë virale që ka tërhequr shumë vëmendje.
Videoja u shfaq të premten dhe tregon YU7 Max në një pistë garash me frenat e tij në flakë.
Është një SUV i nivelit të lartë me 682 kuaj fuqi (691 kW) dhe 866 Nm çift rrotullues. Një fuqi e tillë kërkon edhe frena të fuqishme, sepse në një moment makina duhet të ngadalësojë ose të ndalet, shkruan Carscoops.
Në video, shihien teknikë që qëndrojnë disa centimetra larg flakëve në frena, ndërsa njëri prej tyre mat temperaturën.
Sipas pajisjes që ai po përdor, pllakat e frenave kanë arritur 619 gradë Celsius.
Xiaomi shpjegon se frenat morën flakë për shkak të “materialit organik në pllaka”.
Ata thonë se është “krejtësisht normale” që frenat të kalojnë 600 gradë Celsius dhe se kjo nuk është problem sepse, pretendojnë ata, vazhduan të punonin pa probleme.
Xiaomi pretendon se shoferi i makinës nuk i përdori frenat siç duhet. Modeli YU7 Max është i pajisur me një sistem “Master Mode” që lejon rritjen e rikuperimit të energjisë.
Kur aktivizohet ky modalitet drejtimi, frenat klasike përdoren dukshëm më pak sepse sistemi i rigjenerimit mund të ofrojë një forcë ngadalësimi deri në 0.2 G.
Megjithatë, duket se ky YU7 i veçantë mbështetej vetëm te frenat. Meqenëse automjeti peshon rreth 2-3 ton, nuk është për t’u habitur që frenat ishin të ekspozuara ndaj një ngarkese të lartë, shkruan Carscoops.
Kjo nuk është hera e parë që makinat Xiaomi kanë pasur probleme me frenat e tyre.
Në fund të vitit të kaluar, dy limuzina të ndryshme SU7 u përfshinë në aksidente të rënda pasi frenat e tyre dështuan plotësisht.
Këto raste, me sa duket, lidheshin me komponentët e frenave që nuk ishin të destinuar për përdorim në pistën e garave.
Burimi: botasot.info
