Presidenti francez Emmanuel Macron dhe bashkëshortja e tij Brigitte kanë mbërritur në rezidencën e tyre verore, kështjellën Breganson në jug të Francës, ku do të jenë me pushime deri në gjysmën e dytë të gushtit, raporton sot gazeta La Depeche.
Sipas saj, Macron, si çdo vit, do të monitorojë situatën e brendshme dhe të jashtme politike gjatë pushimeve të tij në Breganson deri më 22 gusht kur është caktuar mbledhja e qeverisë.
Gjatë pushimeve, Macron do të shqyrtojë planet për t’u marrë me krizën energjetike, çështjet mjedisore, fillimin e vitit shkollor dhe punësimin.
Kështjella Breganson ka të gjitha pajisjet për punë, thirrje ndërkombëtare dhe monitorim të situatave të krizës, siç ishte rasti vitin e kaluar kur talebanët morën Kabulin.
Çifti Macron tradicionalisht i kalon pushimet verore në Breganson. Macron më parë ka marrë vizita të huaja në kështjellë, kështu që në vitin 2018, presidenti rus Vladimir Putin qëndroi dhe në vitin 2020, atëherë kancelarja gjermane Angela Merkel. Për momentin nuk dihet nëse do të ketë vizita të tilla gjatë muajit gusht.
Bregason është rezidenca zyrtare e Presidentit të Francës që nga viti 1968, megjithëse jo të gjithë krerët e shteteve i kalonin pushimet verore atje. Presidenti i krahut të djathtë Jacques Chirac ishte një vizitor i rregullt, ndërsa pasardhësit e tij, Nicolas Sarkozy dhe Francois Hollande, kishin zakone të ndryshme.
Presidenti i parë i Republikës së Pestë, Charles de Gaulle, qëndronte atje larg syrit të publikut.
