60.000 amvisëri nga sot e deri në fund të sezonit të ngrohjes do të kenë ngrohje në shtëpitë e tyre për shkak se Qeveria e udhëhequr nga LSDM e mori përsipër menaxhimin e ngrohjes pasi Qyteti i Shkupit hoqi dorë, vlerësoi sot LSDM-ja.
Partia në pushtet thekson se edhe pse bëhet fjalë për një aktivitet për të cilin është përgjegjës Qyteti i Shkupit, pushteti i udhëhequr nga VMRO-DPMNE-ja dhe Danela Arsovska gjatë krizës botërore ekonomike dhe energjetike “shpëtoi” nga kjo përgjegjësi.
LSDM
“Është e qartë se funksionarët e paaftë nga VMRO-DPMNE nuk kujdesen për qytetarët, por janë të interesuar vetëm për manipulimin e tenderëve dhe ndarjen e komisioneve.
Përveç ikjes nga obligimet e veta, VMRO-DPMNE përmes deputetëve vazhdon të pengojë punën e Kuvendit dhe bllokon ligje të rëndësishme, duke përfshirë edhe ligjin që parashikon 100 milionë euro për funksionimin normal të ESM-së në kohë krize.
Dallimi ndërmjet qëndrimit të përgjegjshëm të LSDM-së dhe veprimeve destruktive dhe të dëmshme të VMRO-DPMNE-së është i madh”
