Mirlind Daku ka marrë zyrtarisht pasaportën e Republikës së Shqipërisë.
Dhe mund të luajë pa probleme me kombëtaren kuqezi.
Sulmuesi nga Gjilani e kaloi sezonin e fundit i huazuar te Mura në Slloveni, duke shënuar 22 gola.
Ndërkohë që ka edhe një vit kontratë me kroatët e Osijekut.
Pavarësisht rendimentit të mirë dhe numrit të kënaqshëm të golave, Daku nuk është preferuar nga Alain Giresse. Ish-trajneri i Kosovës nuk e ftoi për sfidat eliminatore të Euro 2024.
Sulmuesi potent, me një teknikë të admirueshme për shtatlartësinë që ka (1.92 m), ka veshur pesë herë fanellën e dardanëve.
Duke debutuar në nëntorin e vitit 2020. Të pesë ndeshjet kanë qenë miqësore, kështu që Dakut i lejohet të luajë për një Kombëtare tjetër.
