Pasi la gjurmë në sportin e hendbollit, Universiteti i Prishtinës ka korrur tjetër sukses tani në sportin e karates.
Universiteti i Prishtinës morri pjesë në Lojërat Evropiane për Universitete, që po mbahen në Lodz të Polonisë, ku ka arritur të fitojë dy medalje të argjendta.
Në konkurrencën e femrave, karateistet Fortesa Orana, Adelina Rama, Albulena Gervalla dhe Vlerë Qerimi, fituan medaljen e argjendtë në ekipore, duke regjistruar tri fitore, ndaj Universiteteve nga Turqia, Polonia dhe Kroacia.
Në luftën për medaljen e artë, vashat kosovare pësuan humbje nga Universiteti Odessa Mechnikov nga Ukraina.
Medaljen e argjendtë e fitoi edhe karateisti Betim Maliqi, i cili garoi individualisht në kategorinë deri në 75 kilogramë.
Ekipi ynë universitar u përbë nga 10 karateistë.
