Mesfushori italian, Manuel Locatelli, ka shprehur emocionet e tij për rikthimin e skuadrës në Champions League.
Pas një viti mungese për shkak të shkeljeve të rregullave të licencimit dhe Fair Play financiar, Juventusi është gati të rikthehet në garat evropiane, duke filluar me përballjen kundër PSV Eindhoven.
“Vitin e kaluar na mungoi shumë. Jemi të emocionuar dhe mezi presim të zbresim në fushë. Ta dëgjosh muzikën e Champions League është diçka e veçantë dhe tifozët do të na ndihmojnë”, ka thënë Locatelli.
Juventusi ka bërë disa përforcime gjatë verës dhe Locatelli ka theksuar rëndësinë e këtyre afrimeve për ekipin: “Kemi nënshkruar me mesfushorë të fortë me shumë cilësi dhe përvojë që e rrisin nivelin e ekipit. Është kënaqësi të luaj me ta“, është shprehur ai.
Burimi: botasot.info
