11
Prilep, 4 janar – Kontrolle të përforcuara te prodhuesit me leje të integruara A dhe B, rritje të kontrollit në stacionet e kontrollit të automjeteve, kontroll të aktiviteteve ndërtimore dhe bashkëpunim me komunat që duhet përmes Inspektoratit, t’i për forcojnë kontrollet, janë pjesë e masave për reduktimin e ndotjen e ajrit, deklaroi Ane Llashkovska, zëvendësministre e Mjedisit Jetësor gjatë qëndrimit të sotëm në Prilep.
Llaskoska theksoi se para rreth dy muajsh janë miratuar një sërë masash afatshkurtra dhe afatgjata për ndotjen e ajrit. Masat afatshkurtra, siç u sqarua, do të jenë në fuqi për sa kohë të zgjasë sezoni i ngrohjes. Ato masa, sipas asaj që u tha, janë përgatitur së bashku me Ministritë e Punëve të Brendshme, Transportit dhe Ekonomisë dhe Punës, me ministrinë e Shëndetësisë dhe Punëve Sociale, si dhe me komunat dhe Qytetin e Shkupit, “sepse vetëm së bashku mund të luftojmë me këtë problem”.
“Një pjesë e masave janë kontrolle të përforcuara të atyre objekteve industriale, prodhuesve që kanë leje të integruar A dhe B. Në këtë periudhë këtyre prodhuesve të mëdhenj u rekomandohet të zvogëlojnë prodhimin, megjithatë, jo ta mbyllin plotësisht, sepse me rifillimin e prodhimit do të shkaktohet ndotje edhe më e madhe, ndërsa humbjet do të jenë shumë të mëdha”, theksoi Llashkoska.
Një pjesë e masave, shtoi ajo, është edhe rritja e kontrollit të stacioneve të kontrollit të makinave, sepse u konstatua se një nga ndotësit më të mëdhenj janë makinat, veçanërisht nafta.
“Ka metoda dhe aparate që mund t’ matin këto gazra të shkarkimit, kështu që edhe atje po marrim kontroll të zgjeruar. Ndotje të madhe ka atje, ku kryhen aktivitete ndërtimore, ndaj kemi marrë masa dhe duhet të fillohet edhe me kontroll. Ndalohet në periudhën nga ora 7:30 deri në orën 18:30 të sillen makina ndërtimore në kantiere. Ditët e fundit kemi parë që aty ku ka aktivitete ndërtimore nuk respektohen masat e rekomanduara dhe as masat për ngrohje. Vërejmë se pronarët e atyre objekteve ndërtimore për t’i ngrohur punëtorët djegin çdo gjë dhe çdo gjë në fuçi dhe kështu rritet ndotja”, tha Lashkoska.
Me komunat kërkohet bashkëpunim më i madh. Një nga rekomandimet, siç theksohet, është larja e shpeshtë e rrugëve në këtë periudhë të sezonit të ngrohjes, sepse një nga treguesit ishte se pluhuri është një ndotës i madh.
Ndërmarrjet e vogla dhe të mesme ishin një nga ndotësit më të mëdhenj dhe aty tashmë kanë filluar kontrollet inspektuese.
Problemi më i madh për ndotjen, siç u theksua, ngrohja, në këtë moment nuk mund të zgjidhej plotësisht. Qeveria ka një plan afatgjatë, u theksua, të bërë për periudhën 2024-2030, që parashikon një ndryshim gradual të sistemeve të ngrohjes, fillimisht në institucionet shtetërore dhe komunale.
Sipas Llashkoskës, në këtë periudhë kritike duhet të merren parasysh edhe kushtet e komunikacionit nëpër qytete. Ishte paraparë vendosja e një regjimi të posaçëm të komunikacionit në të gjitha komunat.
Komunat me MPB-në duhej të kishin rënë dakord që mjetet e rënda transportuese të mos qarkullojnë në qendrat e qyteteve, por të shkojnë në devijime në një periudhë të caktuar kur do të bëjnë vlerësimin.
Ndryshe, në vend stacione matëse janë vendosur nga Ministria e Mjedisit Jetësor dhe të cilat relativisht e masin nivelin e ndotjes së ajrit, ka 22, prej tyre, njëra është mobile. Njëri nga stacionet matëse është vendosur rreth Spitalit të Përgjithshëm të Prilepit.
BURIMI: zhurnal.mk
