Plani sekret i NATO-s, 35-50 brigada shtesë për t’i bërë ballë Rusisë
Aleancës së Atlantikut të Veriut do t’i duhen nga 35 deri në 50 brigada shtesë për të realizuar plotësisht planet e saj të reja për t’u mbrojtur kundër një sulmi nga Rusia. Kështu thekson agjencia e lajmeve Reuters duke cituar një burim ushtarak.
Reuters thekson se akoma nuk ka shumë të dhëna apo detaje në lidhje me planet, të cilat janë sekrete. Një brigadë përbëhet nga 3 mijë deri në 7 mijë trupa, kështu që gjenerimi i 35 deri në 50 njësi të tjera të tilla do të përbënte një sfidë të rëndësishme. Në një tjetër shenjë të shkallës së sfidës së NATO-s teksa ajo rinovon qëndrimin e saj për të marrë më seriozisht kërcënimin e një sulmi rus pas pushtimit të Ukrainës në vitin 2022, bën me dije se vetëm Gjermanisë do t’i duhet të katërfishojë kapacitetet e saj të mbrojtjes ajrore.
Ministria e Mbrojtjes në Berlin nuk pranoi të komentojë mbi planet e ardhshme të NATO-s pasi ato janë të klasifikuara. Ai tha se të gjithë aleatët u thirrën të koordinoheshin me NATO-n për kërkesat e aftësive dhe se këto përpjekje do të shtriheshin në vitin e ardhshëm.
Është e paqartë se ku mund ta gjejnë vendet e NATO-s personelin shtesë për 35 deri në 50 brigada. Trupat mund të zhvendosen nga pjesë të tjera të forcave të armatosura ose mund të rekrutohen ushtarë shtesë, mendojnë ekspertët.
Mbrojtja ajrore është një tjetër mungesë e madhe që planifikuesit ushtarakë të NATO-s kanë identifikuar, pasi lufta në Ukrainë ka treguar rëndësinë e këtyre sistemeve për të mbrojtur infrastrukturën kritike ushtarake dhe civile.
Pas Luftës së Ftohtë, shumë aleatë të NATO-s pakësuan numrin e njësive të mbrojtjes ajrore për të pasqyruar vlerësimin se në të ardhmen do të duhej të përballeshin vetëm me një kërcënim të kufizuar raketash, që vinte nga vende të tilla si Irani.
Sekretari i Përgjithshëm i OKB-së dënoi ashpër sulmet me raketa ruse në të gjithë Ukrainën
Sekretari i Përgjithshëm i Kombeve të Bashkuara Antonio Guterres dënoi ashpër sulmet e djeshme me raketa ruse në të gjithë Ukrainën, të cilat vranë një numër të madh njerëzish dhe dëmtuan infrastrukturën rezidenciale dhe civile.
Guterres vuri në dukje se incidentet veçanërisht tronditëse në të cilat raketat goditën Spitalin Kombëtar të Specializuar të Fëmijëve “Okmatdit” në Kiev, objekti më i madh pediatrik në Ukrainë, si dhe një objekt tjetër mjekësor në rrethin Dnipro të kryeqytetit.
“Drejtimi i sulmeve ndaj civilëve dhe objekteve civile është i ndaluar në bazë të ligjit ndërkombëtar humanitar dhe çdo sulm i tillë është i papranueshëm dhe duhet të ndalet menjëherë”, tha Guterres, sipas faqes së internetit të OKB-së.
Guterres shprehu ngushëllimet më të thella për familjet e të gjitha viktimave dhe u uroi të plagosurve shërim të shpejtë.
Si rezultat i bombardimeve ruse në objektiva në të gjithë Ukrainën, 38 persona vdiqën këtë të hënë dhe 136 të tjerë u plagosën.
Këshilli i Sigurimit në OKB mblidhet për të diskutuar sulmet ruse në Ukrainë
Këshilli i Sigurimit i Kombeve të Bashkuara do të mblidhet sot në një takim, për të diskutuar sulmet e dy ditëve të fundit në Ukrainë, të cilat lanë të vrarë së paku 36 persona.
Takimi do të zhvillohet me kërkesë të Britanisë, Francës, Ekuadorit, Sllovenisë dhe SHBA-së.
“Ne do ta dënojmë sulmin frikacak të Rusisë në spital”, tha përfaqësuesja e përhershme e Mbretërisë së Bashkuar në Kombet e Bashkuara, Barbara Woodward.
Spitali i Fëmijëve Ohmatdyt, që është objekti më i madh i pediatrisë në Ukrainë, u sulmua të dielën vonë.
Dy njerëz të rritur mbetën të vrarë në sulm.
Presidenti i Ukrainës, Volodymyr Zelensky, tha se Rusia e ka sulmuar qëllimisht Spitalin Ohmatdyt, të cilin ai e ka përshkruar si ndër spitalet më të rëndësishme për fëmijë në Evropë dhe në Ukrainë.
Raketa ruse mbi Ukrainë/ Zyrtarët e Kievit: Ky është një nga sulmet më të këqija që nga fillimi i luftës
Të paktën 20 persona janë vrarë pasi Rusia nisi një sulm masiv me raketa kundër qyteteve anembanë Ukrainës, sipas zyrtarëve. Në kryeqytetin Kiev, të paktën shtatë persona u vranë në një sulm të rrallë gjatë ditës. Kryebashkiaku i qytetit tha se një spital për fëmijë u godit nga sulmi me raketa dhe po evakuohej.
E kreu i administratës ushtarake në qytetin qendror të Ukrainës, Kryvyi Rih, theksoi se të paktën 10 njerëz ishin vrarë atje, me tre të vrarë në qytetin lindor të Pokrovsk.
Presidenti ukrainas Volodymyr Zelensky, i cili po viziton Poloninë, tregoi se Rusia kishte gjuajtur rreth 40 raketa në objektiva në të gjithë vendin. Zelensky, i cili do të udhëtojë në SHBA për samitin e NATO-s të kësaj jave në Uashington, tha se Rusia kishte “sulmuar masivisht” Ukrainën.
“Qytete të ndryshme: Kiev, Dnipro, Kryvyi Rih, Sloviansk, Kramatorsk. Më shumë se 40 raketa të llojeve të ndryshme. Ndërtesat e banimit, infrastruktura dhe një spital për fëmijë u dëmtuan”.
Ndërkohë, Vitaliy Klitschko, kryetari i bashkisë së Kievit, i tha agjencisë së lajmeve “Reuters” se bombardimi ishte sulmi më i keq në kryeqytet që nga fillimi i luftës.
“Ky është një nga sulmet më të këqija. Mund ta shihni: është një spital për fëmijë”, citohet të ketë thënë Vitali Klitschko ndërsa qëndronte pranë një ndërtese të dëmtuar rëndë
Burimi: botasot.info
