Arma sekrete e Putin që po “bën lëmsh” qiejt e po terrorizon pilotët
Ekspertët e sigurisë në Britaninë e Madhe pretendojnë se Rusia ka vënë në përdorim një armë të re elektronike e cila ka për qëllim të dëmtojë sistemet GPS të linjave ajrore.
Sipas tyre, mijëra fluturime nga Britania, dyshhet se kanë rënë pre e këtij sulmi rus që ka shkaktuar bllokime shumë të rrezikshme të sinjaleve të komunikimit në mjetet fluturuese.
Shefat ushtarakë deklarojnë se sistemi i njohur si Tobol, është vendosur në enklavën ruse të Kaliningradit dhe mund të dërgojë sinjale dëmtuese në një rreze shumë të madhe.
Avionët e pasagjerëve përballen me bllokim dhe sinjale të rreme GPS-i, i cili ndërhyn në komunikimet me valë dhe “mashtron” pilotët, duke i bërë ata të besojnë se avioni është në një vend tjetër nga ai që është.
Agjencia Evropiane e Sigurisë së Aviacionit paralajmëroi në janar se autoritetet kishin parë një rritje të ndjeshme të këtyre sulmeve, por nuk tha se kush ishte pas tyre.
Kërcënimi i parashikuar për avionët civilë duket se është vërtetuar, me The Sun që ka raportuar se 46,000 fluturime kanë regjistruar probleme të navigimit satelitor mbi rajonin e Balltikut midis gushtit dhe marsit.
Ushtarja ukrainase shkatërron autoblindën ruse – e godet me Bradleyn amerikan – publikohen pamjet nga beteja e ashpër
Një ushtare ukrainase që gjendej brenda autoblindës amerikane Bradley që i është dhuruar Ukrainës nga SHBA-të si pjesë e paketës ushtarake – ka arritur të shënjestrojë dhe shkatërrojë autoblindën ruse në qytetin e Avdiivkas në lindje të vendit.
Ukrainasja që është pjesë e Brigadës së 47-të, përdori dylbitë për natën për të lokalizuar pozicionet ruse – duke i goditur me top 125 mm dhe raketa antitank me të cilat Bradley është i pajisur.
Në videon e publikuar gjithashtu shihet sesi ukrainasit përdorën edhe dronë për të goditur sërish autoblindën ruse, dhe të sigurohen që mos përbëjë rrezik në rast se dikush ka mbijetuar brenda saj.
Në video shihen pamje edhe nga betejat e ashpra për qytetin ukrainas, ku gjeneralët e Vladimir Putinit po refuzojnë të heqin dorë nga ky vend pavarësisht humbjeve të mëdha që i kanë pësuar – ku dhjetëra mijëra burra dhe mijëra tanke u janë shkatërruar.
Beteja për Avdiivkan tani është në një fazë kruciale – ku rusët po tentojnë të ndajnë në dysh, derisa ukrainasit po japin maksimumin që të mos ndahet dhe të kontrollohet pjesërisht nga rusët.
Zelensky: Rusët do pushtojnë Chasiv Yar, kanë mobilizuar 300 mijë trupa
Presidentit i Ukrainës, Volodymyr Zelensky, lëshoi alarmin për mbi 300 mijë luftëtarë të rinj që po i mobilizon Rusia për t’i dërguar në luftë brenda pak javësh, me synimin për të pushtuar qytetin simbol të luftës kundër nazizmit, Chasiv Yar, brenda 9 majit.
“Jam informuar për zonat e nxehta në frontin e luftës. Ato janë Chasiv Yar dhe pjesë kryesore të rajonit të Donjeckut, gjithashtu edhe disa zona në rajonit e Harkivit. Ne do të vazhdojmë të rezistojmë. Falenderoj çdo ushtar, komandant apo njësi që shënjestron mirë dhe vijon të rezistojë,” deklaroi presidenti ukrainas Volodymyr Zelensky.
Gjithashtu Zelensky iu përgjigj pretendimit të Rusisë se me ndihmat e reja, Shtetet e Bashkuara do të shndërrojnë Ukrainën në një Afganistan të dytë.
“Nuk do të ndodhë kështu, por do t’i dërgojmë Kremlinit një mesazh të fortë”, thotë presidenti.
Ministri i jashtëm ukrainas, Dmitro Kuleba, u tha homologëve të vendeve të Bashkimit Europian në këshillin e ministrave që të veprojnë dhe jo diskutojnë dërgimin e municioneve dhe mbrojtjes ajrore. Por kryediplomati rus, Sergej
“Ata janë gati të pengojnë vendin tonë deri në ukrainasin e fundit. Perëndimorët po zhyten rrezikshëm në prag të një përplasjeje të drejtpërdrejtë ushtarake midis fuqive bërthamore, e cila është e mbushur me pasoja katastrofike.”
Përballë kësaj deklarate, që po lexohet si kërcënim real, Polonia po kërkon që aleanca ushtarake NATO të vendosë armë bërthamore në territorin e saj.
Sekuestrimi i aseteve ruse/ Kremlini: Veprime ligjore kundër projektligjit të SHBA
“Moska do të luftojë iniciativën e paligjshme të SHBA-së për të sekuestruar asetet ruse në gjykatë nëse kjo do të ndodhë”.
Kështu u tha gazetarëve zëdhënësi i Kremlinit Dmitry Peskov, shkruan Tass.
“Ne jemi shumë skeptikë për këtë, sepse në thelb ky është shkatërrim i të gjitha themeleve të sistemit ekonomik. Ky është një cenim i pronës shtetërore, ndaj aseteve shtetërore dhe pronës private. Në asnjë mënyrë kjo nuk duhet të perceptohet si veprim juridik – është e paligjshme dhe në përputhje me rrethanat, do t’i nënshtrohet veprimeve hakmarrëse dhe procedurave ligjore”, deklaroi zyrtari i Kremlinit.
Peskov vuri në dukje se gjyqi do të jetë “shumë kompleks”, por do të shkaktojë dëme të rënda për interesat ekonomike të SHBA nëse autoritetet amerikane miratojnë përfundimisht projektligjin në lidhje me asetet ruse.
Rusia pretendon se ka marrë kontrollin e një fshati në rajonin Donetsk të Ukrainës
Forcat ruse kanë marrë nën kontroll fshatin Novomykhailivka 40 kilometra në jugperëndim të qytetit ukrainas Donetsk , ka thënë ministria ruse e mbrojtjes.
Shtabi i Përgjithshëm i Ukrainës tha në raportin e tij të rregullt të mëngjesit të hënën se forcat e Kievit vazhduan të frenonin përpjekjet ruse për të avancuar pranë fshatit.
Asnjë prej pretendimeve nuk është verifikuar ende në mënyrë të pavarur nga Guardian.
Rusia tha të dielën se forcat e saj kishin fituar territor pranë fushëbetejës kyçe të Chasiv Yar në Ukrainën lindore, duke marrë kontrollin e Bogdanivka , një fshat i vogël i vijës së frontit më pak se tre kilometra në verilindje të qytetit.
