Kryetari i Partisë së Lirisë, Ilir Meta thotë se vetëm largimi i “Rilindjes” dhe këtij Kryeministri përmirëson lirinë e medias dhe garanton të drejtat e gazetarëve.
Me anë të një postimi në Facebook, ish kreu i Shtetit thekson se përkeqësimi i lirisë të medias është rezultat i kapjes të shtetit.
“Përkeqësimi i lirisë të medias është rezultat i kapjes të shtetit dhe korrupsionit skizofrenik që po ndodh. Vetëm largimi i “Rilindjes” dhe këtij Kryeministri përmirëson lirinë e medias dhe garanton të drejtat e gazetarëve”, shkruan Meta.
Kujtojmë që partnerët e Platformës së Këshillit të Europës për Siguri të Gazetarëve ndodhen në Shqipëri në një mision për të vlerësuar lirinë e medias dhe sigurinë e gazetarëve.
Organizatat në Shqipëri thonë se janë takuar me kryeministrin Edi Rama, i cili sipas tyre ka pranuar se në vend nuk është bërë progres në lirinë e medias.
