Liqeni ka pësuar humbje në ndeshjen e tretë dhe të fundit në Grupin 6 në “Main Round” të Ligës së Kampionëve.
Kampionët e Kosovës u mposhtën nga skuadra bjelloruse, Stalista Minsk, me rezultatin 6:2.
Edhe kjo ndeshje, si të tjerat e këtij grupi, u zhvillua në Pallatin e Rinisë dhe të Sporteve në Prishtinë.
Sebastian Camilo Sanchez Nagles dhe Valon Brahimi shënuan për skuadrën nga Drenasit, kurse golat e fitores për bjellorusët u shënuan nga Dimitri Svedko, Aliaksandr Umpirovich (dy gola), Maxim Trofimovich, Vladimir Zhigalko dhe Artem Kozel.
Skuadra polake, Piast Gliwice, ka kaluar tutje nga Grupi 6 me 9 pikë – duke fituar të tri ndeshjet në kryeqytetin kosovar.
Me nga tri pikë u pajtuan Stalista Minsk, Gentofte dhe Liqeni. Skuadra jonë u rendit e fundit.
Kujtojmë se Liqeni kishte shënuar fitore 4:3 në ndeshjen e parë kundër Gentoftes nga Danimarka, kurse pësoi humbje në ndeshjen e dytë nga Piast Gliwice me rezultatin 9:3.
