Kryetari i Komunës së Gostivarit, Valbon Limani, ka pritur sot në një vizitë miqësore ambasadorin e Italisë në Shkup, Paolo Palminteri, dhe ambasadorin e Shqipërisë, Denion Meidani.
Gjatë kësaj vizite, përfaqësuesit diplomatikë u shoqëruan nga kryetari Limani në dy prej qendrave më të rëndësishme për komunitetin – Qendrën për Autizëm “Blue Puzzle” dhe Qendrën Rinore “iCan”. Qëllimi i vizitës ishte shprehja e përkushtimit të përbashkët për zhvillimin e këtyre hapësirave që ofrojnë mbështetje dhe mundësi për fëmijët dhe të rinjtë.
“Një vizitë miqsh”, e cilësoi kryetari Limani, duke theksuar rëndësinë e bashkëpunimit ndërkombëtar për avancimin e kauzave sociale dhe përfshirjen e të gjithë qytetarëve në jetën komunitare.
Burimi: lajme24.mk
