Ligjvënësit e Koresë së Jugut dhe zyrtarët e nivelit të lartë do të duhet të fillojnë të deklarojnë kriptovalutat dhe asetet e tyre virtuale në fund të këtij viti, transmeton Anadolu.
Sipas agjencisë së lajmeve “Yonhap”, Parlamenti i vendit miratoi njëzëri projektligjet mbi masën, e cila do të hyjë në fuqi në dhjetor duke adresuar shqetësimet mbi zotërimet e rëndësishme të monedhave të një ligjvënësi.
Rishikimi pasoi zbulimet se ligjvënësi i pavarur, Kim Nam-kuk, mbajti një sasi të konsiderueshme të monedhave “Wemix” në vitin 2021.
Legjislacioni përmban një dispozitë që synon parandalimin e konfliktit të interesit ndërmjet ligjvënësve. Ata që shërbejnë në poste të larta që u japin atyre qasje në informacione të privilegjuara ose aftësinë për të ndikuar në ligjet që kanë të bëjnë me asetet virtuale do të ndalohen të zotojnë asete të tilla.
Ligjvënësit koreano-jugor gjithashtu miratuan një rishikim që hap rrugën për hetimin gjithëpërfshirës të të gjitha zotërimeve të aseteve virtuale të ligjvënësve.
Sipas rishikimit, ligjvënësve tani u kërkohet të zbulojnë asetet e tyre të kriptovalutave si pjesë e deklarimit të tyre të detyrueshëm të pasurisë.
Paneli do të hetojë praninë e mundshme të konflikteve të interesit që rrjedhin nga zotërimet e aseteve të ligjvënësve lidhur me përgjegjësitë e tyre legjislative.
