Ekipet e shpëtimit në Indonezi kanë hyrë në ditën e tretë të kërkimeve pas tërmetit të madh që e goditi vendin.
Të paktën 268 persona, përfshirë shumë fëmijë, kanë vdekur deri më tani. Rreth 151 persona mbeten të zhdukur dhe më shumë se 1,000 janë plagosur.
Guvernatori i Javas Perëndimore, Ridwan Kamil, tha se rajoni kishte përjetuar rreth 140 goditje që nga tërmeti i së hënës.
Agjencia e Indonezisë për Zbutjen e Fatkeqësive (BNPB) tha se më shumë se 2,200 shtëpi ishin dëmtuar dhe më shumë se 5,300 njerëz ishin evakuuar, shkruan BBC.
