Jyrgen Klinsman e ka shijuar suksesin me Gjermaninë në Kupën e Botës në fushë në 1990, ndërsa si trajner i kombëtares në 2006-ën iu desh të mjaftohej me vendin e tretë.
E pikërisht duke u ndikuar nga historia, Klinsman ka shprehur hapur edhe pritshmëritë e tij për “Pancerat” në këtë edicion.
“Gjysmëfinalet duhet të jenë misioni i të gjithë skuadrës dhe këtë ata e dinë shumë mirë. Çdo gjë tjetër poshtë kësaj faze do të ishte zhgënjyese për ne, duke parë historinë tonë në Botëror. Kjo është e vetmja mënyrë për të harruar atë katastrofë të katër viteve më parë”, u shpreh 58-vjeçari.
Më pas ai u ndal tek organika e Flikut dhe pretendentët: “Flik ka një skuadër të re dhe shpresoj që të bëjë lojë kurajoze. Favoritët e mi janë Brazili dhe Argjentina, e di që Mesi do të bëjë çdo gjë për të fituar”.
